डायबेटिसमुळे डोळ्यांवर होणाऱ्या परिणामांची माहिती आपण घेत आहोत. रक्तशर्करेबरोबरच डोळ्य ांची काळजी घेणे महत्त्वाचे आहे. मधुमेहामुळे डायबेटिक रेटीनोपॅथीची भीती असते. त्यामुळे डोळ्य ांचे आरोग्य जपण्यासाठी मधुमेहींनी काय काळजी घ्यावी त्याची माहिती आपण या लेखातून घेऊया...
गेल्या लेखात आपण डायबेटिक रेटीनोपॅथीची लक्षणे व त्यामुळे निर्माण होणाऱ्या समस्यांची माहिती घेतली. डायबेटिक रेटीनोपॅथी या आजारामध्ये दृष्टीपटलापर्यंत जाणाऱ्या रक्तवाहिन्यांना होणारी हानी हळूहळू वाढत जाते. दृष्टीपटलामुळे दृष्टी चांगली राहाण्यास मदत होते. डायबेटिक रॅटीनोपॅथीमध्ये काही रक्तवाहिन्यांमध्ये अडथळे निर्माण होतात त्याशिवाय दृष्टीपटलापर्यंत जाणाऱ्या रक्तवाहिन्यांमध्ये येणारा अडथळा वाढत जाऊन त्या ठिकाणी आखणी काही रक्तवाहिन्यांची निर्मिती होणे, सर्वात शेवटच्या टप्प्यात दृष्टीपटलाला इजा होऊ शकते.
कोणती काळजी घ्यावी?
डायबेटिक रेटीनोपॅथीमध्ये सर्वसामान्यपणे दोन्ही डोळ्यांना त्रास होतो. डायबेटिक रेटीनोपॅथीचा धोका कमी करण्यासाठी मधुमेहींनी रक्तशर्करा नियंत्रणात ठेवावी. रक्तदाब व कोलेस्ट्रॉलसम लिपिडची पातळी मर्यादित ठेवणे गरजेचे आहे.
डायबेटिक रेटीनोपॅथीचे लवकर निदान झाले तर वेळीच उपचार होऊन दृष्टी गमावण्याचा धोका कमी होते. पण पन्नास टक्के पेशंट त्यांच्या डोळ्यांची तपासणीच करीत नाहीत. अथवा उपचार घेण्यासाठी उशीर करतात. आजारावर वेळीच उपचार करण्यासाठी नेत्ररोग तज्ज्ञाची लवकर भेट घेणे गरजेचे आहे. त्यामुळे दृष्टी गमावण्यापासून वाचता येते.
मोबाइल अॅप डाउनलोड करा आणि राहा अपडेट